Palabras de Amauta

Thursday, May 14, 2009

DIA DAS LETRAS, EU VOU Á RAMBLA!

"Tomei do bolso a miña pistola. Con coidado, pra non espertar a Ulm Roan, cargueina, monteina. Sen sentir nada apuntei, dende moi perto, á caluga do traidor Ulm Roan. Abondou un tiro: a penas un estremecemento, non se alterou a posición do seu corpo. O disparo repercutiume –foi curioso–, cunha dor aguda e súpeta, na zona do himen. Descolguei un coitelo da panoplia e, coa ponta, gravei fondamente no lombo de Ulm Roan as tres iniciais da I.T.A.”

De Retorno a Tagen Ata (X.L. Méndez Ferrín)

Hogano, Ulm Roan semella acordar do seu deceso temporal para amosar a podente sombra da súa figura como solucionario para o proceso histórico de devalo do noso espectro cultural autóctono.E vai pensando un, coa acidez gástrica do mal xorne posta como castigo, que esta penitencia do vagar infindo dos espíritos funestos de Ulm Roan e outros, acontece no día preciso das celebracións máis autentes da vella Gallaecia.

Eiquí, na nova Gallaecia, eu propoño un paseo de domingo pola Rambla de Caputxins para asistir á Concentración a prol da lingua galega co proceder reivindicativo e fascinante que compón as ideas dos bos e xenerosos alén dos mares e dos continentes, lonxe ou perto das Illas.

Amauta Castro
Girona, 14/05/09


A concentración será o vindeiro 17 de maio ás 12 horas nas Rambles (diante do Centro Galego de Barcelona).
Rambla Caputxins 37-39, Barcelona

6 Comments:

At 12:32 PM, Blogger Antón said...

Grande pasaxe do noso amado XLMF. Todos os actos que fagamos a vindeira fin de semana son necesarios nistas xeiras de LOITA. No meu caso marcho o Venres á Coruña á casa duns colegas para liala nesta cidade de desleigados e señoritos. Vou co meu fillo máis vello, e se a cousa non desfasa levareino á mani nacional do día 17. Con 8 anos defende o galego do mesmo xeito e coa mesma dignidade coa que defende a súa lingua nai , o catalán.

Saúdos fraternais e Loita !

 
At 1:22 PM, Blogger amauta said...

Que asi sexa, a ver se reconquerimos Brigantia e recomezamos o País por ela...

Un saúdo e unha aperta do teu irmán de loita,
Amauta Castro

 
At 12:07 PM, Anonymous raida said...

vémonos mañá na rambla!!
saúde e lingua!

 
At 1:54 PM, Blogger amauta said...

lingua saudábel ante todo...
Deica mañá!

 
At 4:23 AM, Anonymous Her Chamis said...

Nunca me doeu na vida tanto un asasinato ficticio coma este. Aínda hoxe non o entendo.

 
At 5:34 AM, Blogger amauta said...

Xa sabía eu que che estaba a proer..hahahahaha!
Foi unha morte mesmo ensoñada na propia narración, asi que non sufras.
pertas benquerido Can O'chamis!

 

Post a Comment

<< Home

Estadisticas y contadores web gratis
Estadisticas Gratis
Estadisticas Gratis